بالصور تعرفي على خبيرة فن الميكب أرتيست

حيرة كبيرة جدًا بـ تعاني منها أي عروسة في مرحلة التحضيرات، مش كفاية الشقة تكون جميلة وكل التفاصيل تكون تمام، قد ما أهم حاجة أنها تكون أجمل واحدة في يوم الفرح، طبعًا المسألة بـ تنقلب أحيانًا لمأساة لو وقعت العروسة في أيد كوافير أو بيوتي سنتر مش محترف بالقدر الكافي، رغم أن فيه أسماء كبيرة في عالم التجميل، لكن مش كلهم مع الضغط والإقبال الشديد بـ يكونوا على قدر المسئولية، والأسوأ أن بعضهم بـ يلغي شخصية العروسة تمامًا في يوم فرحها، وبـ يخرجها زيها زي كل اللي معاها نفس الشكل كأنها دخلت آلة طباعة!

 

مشكلة ثانية بـ تقابل كثير من البنات المرتبطين بعرسان محافظين، وهي اعتراض العريس على وجود رجل في مكان التجهيزات، ومش عاوزين نقول لكم كم المشاكل اللي بـ تحصل بسبب القصة دي لدرجة أن فيه جوازات بـ تتفركش، وأحيانًا العريس يفضل مخاصم عروسته مدة لما يكتشف أن البيوتي سنتر أو مكان التجهيز اللي كانت فيه كان داخله رجل أو أكثر.

 

المشكلة دي وغيرها مشاكل كثير زي الخصوصية والتفرد والتركيز والشعور بأنك ملكة متوجة بقيت محلولة مع الـ “Makeup Artist”، دول بنات متخصصين في مجال التجميل للعرائس وصديقاتهم يوم الفرح، أنت شغلها الشاغل وتركيزها بالكامل معاكي، مهامها محددة والنتيجة في الغالب رائعة، لذلكبعيدًا عن جو الزحمة والعصبية والعرايس اللي شبه بعض، حاولنا نوصل لأفضل خمسة Makeup Artists ممكن تروحيلهم وأنت مطمئنة. وكان اللقاء مع الفنانة  مي هشام الشواطفي .. مهندسة معمارية متخرجة من فنون جميلة قسم عمارة سنة ٢٠١٧ و بشتغل ميكب ارتيست بقالي سنتين بس بدرس في موضوع الميكب بقالي اكتر من ٥ سنين  وبعمل ميكب عرايس عادي بس فكرت اعمل فكرة جديدة و هي ميكب الشخصيات كرتون و شخصيات مرعبة علشان أثبت للناس ان الميكب ممكن يغير اي حد ١٨٠ درجة ..وكمان بعمل ميكب عرايس عادي بس فكرت اعمل فكرة جديدة و هي ميكب الشخصيات كرتون و شخصيات مرعبة علشان أثبت للناس ان الميكب ممكن يغير اي حد ١٨٠ درجة .. وقررت اني اختار شخصيات مشهورة و الناس عارفاها و اغير شكلي ليها  باستخدام الميكب و الايشاريات والصور خير دليل على ذلك

تعليقات فيسبوك

أكتب تعليقك