من ضحية من الزبون أم الوكيل

من ضحية من الزبون ضحية الوكيل ام الوكيل هو الضحية للشركة الأم ؟  كلاهما ضحية  أشك .. الزبون ضحية اماله وتفائله وفرحتة هو وأولادة في الحصول علي سيارة بسعر معقول يناسب ميزانيته او علي الاقل تحويشة عمره والذي جمعها بشق الأنفس ومسك علي نفسة وأهل بيتة ليكتمل المبلغ ويسرع وكلة تفاؤل وبهجة ولكن سرعان ما تنكسر أحلامة وتخر قواة عند باب الوكيل.. وحتى لا نطيل تعالوا نشوف قصة مأساة أحد المجربين من غير تهليل ولا تطبيل ؟؟؟!!

الأستاذ بهاء الدين بيقول … انا عربيتي أنفي 2017 ماشية 35 ألف ودي الفردة الامامي يمين طبعا الحمد لله إنها ماعملتهاش معايا على الطريق وضربت . أنا كلمت غبور قالي الكاوتش بره الضمان واداني عنوان في43 شارع سوريا توكيل gt للكاوتش رحت ولا لاقيت توكيل كاوتش ولا أي حاجة . وعملت شكوى في حماية المستهلك بكل فواتير الصيانات بس فاكس .

*مشكلة تانية في العفشة الامامي صوت شخللة مستمر ورحت التوكيل كذا مرة على العيب ده يقولك تربيط عفشة ومرة تانية غيروا قعدة موتور أمامي بس المشكلة لسه موجودة

الأستأذ مصطفى محمود قال .. للعلم بس الكاوتش دة مش GT اندونيسي دة صيني وغبور بيستوردة للانفي وانا عندي انفجرت بدون مقدمات علي الدائري وانا ماكملتش 3000 كيلو روحت لغبور قال نفس الكلام ولما زعقت وعمات مشكلة بعتو مهندس صورها وقالي هبعت بيها اميل لوكيل الكاوتش ولما قابلت فرع ليهم وبالصدفة طلع مديرة جاري اكد لي ان الكاوتش دة صيني مالوش اي علاقة ب GT ..

الأستاذ حسان تركى … قال مشكله العفشه دى مشكله فعليه فى العربيه وحلها تغيير مساعدين يابانى وجلب مقصات وكله لانسر بومه ١٦٠٠ cc والوضع بيختلف تماما

الأستاذ محمد قاسم بيقول .. انت على الاقل نصب عليك فى الكاوتش انا ضحك عليا فى العربيه كلها وخدها يصلحها وسابنى الف حولين نفسى لحد دلوقت..

 

تعليقات فيسبوك

أكتب تعليقك