إسأل مجرب ولا تسأل وكيل

الهدف الأساسي والذي من أجلة أقيمت مراكز الخدمة ظل يتمثل في تأدية خدمة متميزة لمالكي السيارات التي تقوم شركاتها بتسويقها ومن الطبيعي أن يسأل العميل عن خدمة مابعد البيع وهل هذة السيارة تتمتع بسمعة طيبة من خلال القائمين علي صيانتها وهل قطع الغيار متوفرة وطاقم الصيانة قادر علي التصدي للعيوب التي تظهر من خلال مراحل التشغيل أم لا .. لآن أكثر شيء يجعل العميل في حالة ضيق ونفور ويدفعة لكراهية سيارتة ويلعن اليوم الذي إشتراها فية مهما كان نوعها أو سعرها هو أن يواجة متاعب مختلفة في صيانتها ويفاجأ بحدوث أعطال ومشاكل متكررة بعد فترة قصيرة من عمل الصيانة من خلال الوكيل أو مراكز الخدمة التابعة لة ومن هنا كثرت الأحاديث والأقاويل عن المشاكل التي يتعرض لها العملاء في مراكز الخدمة وإليكم بعض من أبخرة وغليان مما في صدور العملاء ؟؟!!

الأستاذ / محمد إبراهيم قدري بيحكي قصتة واللي حصلة في مركز خدمة العربية وبيقول  أنا عربيتي شانجان V7 موديل 2017 أخدت العربية وروحت لتوكيل مدينة نصر يوم ٣\١٠ لعمل سمكرة في بعض اجزاء جسم العربية وروحت استلم   لاقيت عيوب واضحة جدا في التقفيل والسوكة بين الكبوت والرفرف اليمين والكشاف كانت واسعة جدا فطلبت منهم يظبطوها قالوا انهم هيحاولو يعدلوا وضع الكبوت علشان يظبطوا الفرق وانا ساعتها اعترضت لان الكبوت ما كانش اتخبط اصلا علشان نقول إن مكانه اتزحزح… المهندس قال لي ده شغلنا واحنا هنظبطه ماتقلقش…. بعد ساعة نزلت علشان استلم تاني وانصدمت اني لاقيت انبعاج في الكبوت في مكانين واحد في الجنب والتاني في النص بالضبط ولما بسأل المهندس ايه ده اتهمني اني جاي بيها كده مع أنه من ساعة بالظبط ما كانش في اي مشكلة نهائيا في الكبوت وحتى المقايسة اللي كان عملها لما استلم مني العربية لم يذكر أن في اي عيب في الكبوت وبعد ما احتدينا على بعض قال إنه هيصلحها واجل استلام العربية ليوم الخميس….. سؤالي هل المفروض اني اعمل اي اجراء مع التوكيل اثبت بيه حقي في هذا الضرر وخصوصا أنه كده حتى لو صلح الكبوت هيعيب العربية .. رحلة معاناة حاجات بتحصل في التوكيل أغرب من الخيال ولآ عارفين نأخد حق ولاباطل معاهم منهم لله ..

تعليقات فيسبوك

أكتب تعليقك