إسأل مجرب ولا تسأل وكيل .. نيسان قشقاي وعيوب جوهرية في سقف وشنطة العربية

رحلة شراء سيارة زيرو أصبحت رحلة معاناة تبدأ حكايتها من المعرض تروح ومعاك الأولاد علشان يختارو معاك الألوان تعلوا  وجوههم علآمات الفرحة والسعادة وبعدها تبدأ في رحلة الأحلام الفضائية . من المتعارف علية أن الواحد مننا بيشتري العربية الزيرو علشان يرتاح وينسى وجع الدماغ يعني ينزل الصبح يسمي الله ويضرب المفتاح في الكونتكت ويتوكل علي الله ولآ يفتح كبوت ولآ أي حاجة إللآ في مواعيد الصيانة أما إنك تفاجأ بأصوات غريبة ذي زنة وونة وتزيق … إلخ هنا بقى العكننة علي أصولها الي أن يكرة الواحد نفسة واليوم اللي إشتري فية العربية ما تيجوا نشوف كلام المجربين بدل الرغي والحكاوي

الأستاذ سعد يروي قصتة وكلة ألم على سوء إختيارة وندمة فيقول ,,,, استلمت عربيه نيسان قشقاي من شهر ونص ..ولقتها مخلعه ..وبعد دوخه علي التوكيل .. قالوا عايزه سمكره ولحام ورش بوهيه ,,,  هل دة معقول سيارة زيرو موديل السنة  ٢٠١٧ .. والتوكيل بيقول العربيه محتاجه لحام في السقف والشنطه هل دا عادي!!!!!!!! ولا العربيه تبقي فيها عيوب صناعة .. مع العلم ان العربيه اشترتها زيرو من شهر ونص .. شركة نيسان للسيارات هى الأسوأ في مصر .. مشاكل في السيارات من وقت الاستلام .. تقفيل السيارات سيء جدا … كميه مشاكل رهيبه في العربيات الجديده .. زي ماتكون متقفله في عزبه الصفيح .. توكيلات الصيانه الخاصه بها هى الهندسيه -مرعي –مودرن عبارة عن ورش فنيين مبتدئين وبعد عدة مراسلات لافائدة وبالتالي سأتخذ الإجراءات التالية .. بلاغ للنائب العام المصري .. بلاغ لجهاز حماية المستهلك  ضد شركة نيسان للسيارات .. لأن هناك مئات السيارات من نوع قشقاي بها عيوب تصنيع

 أسماء كبيرة ورنانة وعلى حاجات بسيطة وبالإستهانة وتكبير الدماغ وعدم المتابعة ومراعاة شعور العميل ووقتة وظروفة.. تأتى المشاكل وتضيق الصدور وتعلو الأصوات الحناجر لأنة من المتعارف علية أن الوكيل هو المسؤل الأول عن راحة عملآؤة اللى وثقوا فية ووضعوا كل مدخاراتهم وتحويشة العمر وشقى السنيين فى سيارة هو مستوردها أو مصنعها وفى ظل الظروف الصعبة التى يمر بها الإقتصاد كان لابد من المصارحة وأن يكون هناك شفافية ووضوح بين الوكيل وعميلة أما إذا كان غير قادر على توفير المركبة المناسبة وصيانتها وقطع غيارها فهذا شيء أخر ليس لنا شأن بة فهو شأنهم مع عملائهم لآن العملاء في إستياء ؟؟!! ونقولها لسنا معاً أو ضد تلك أراء المجربين بدون تهليل أو تطبيل ؟؟؟؟!!!

 

تعليقات فيسبوك

أكتب تعليقك