قبل شراء السيارة إسأل عن الصيانة … تجارب مؤلمة لمراكز صيانة متلونة

الهدف الأساسي والذي من أجلة أقيمت مراكز الخدمة ظل يتمثل في تأدية خدمة متميزة لمالكي السيارات التي تقوم شركاتها بتسويقها ومن الطبيعي أن يسأل العميل عن خدمة مابعد البيع وهل هذة السيارة تتمتع بسمعة طيبة من خلال القائمين علي صيانتها وهل قطع الغيار متوفرة وطاقم الصيانة قادر علي التصدي للعيوب التي تظهر من خلال مراحل التشغيل أم لا .. لآن أكثر شيء يجعل العميل في حالة ضيق ونفور ويدفعة لكراهية سيارتة ويلعن اليوم الذي إشتراها فية مهما كان نوعها أو سعرها هو أن يواجة متاعب مختلفة في صيانتها ويفاجأ بحدوث أعطال ومشاكل متكررة بعد فترة قصيرة من عمل الصيانة من خلال الوكيل أو مراكز الخدمة التابعة لة ومن هنا كثرت الأحاديث والأقاويل عن المشاكل التي يتعرض لها العملاء في مراكز الخدمة وإليكم بعض من أبخرة وغليان مما في صدور العملاء ؟؟!!

الأستاذ أحمد سامي يروي تجربتة ويقول عربيتي رينو  كانت عاملة حادثة دخل فيا عربية كيا وعديت مني ودي صورة العربية روحت صلحتها عند فرنش موتورز وكان اتفقنا انها تتكلف 31500 وبعد الاصلاح العربية الفوارق مكنتش مظبوطة وفي فانوس مكفي لجوه واللي اكتشفت بعد كده انه مش اصلي اساسا وساعتها طالبوني ب خوالي 45000 وانا رفضت ادفع وف الاخر دفعت 31500 بالظبط وكان ليا قطع غيار مختهاش وكل ماطلبها بيتحججو انها مش هنا اصل المهندس رائد مش موجود وبعد مرور تقريبا اقل من سنة اتخبطت في وش العربية خبطة اضعف عربية لطشتني من الوش هتلاقي الصورة اللي العربية متخرشمة فيها والاكصدام اتفشفش والشبكة اتكسرت رغم الحادثة الاولانية كانت اصعب وممكن اي حد يشرفني ويعاين العربية ويحكم هو اسيبكم مع الصورتين

 

الدكتور طارق فؤاد بيقول .. انا اشتريت سياره نيسان قشقاي 2017 و رخصتها في 17 مايو و عملت 3000 كم فقط و بعدها لوك الابواب الخلفيه لايعمل ..افتكرته عيب بسيط و يتصلح ..توجهت لتوكيل يونايتد حاولوا يوم كامل و بعدين قالوا انهم فشلوا يعرفوا العيب من ايه…. روحت توكيل مودرن موتورز ابو رواش ..و استلموا السياره و قالوا انهم لازم يفحصوا الضفيره و يفكوا التابلوه علشان يعرفوا العيب من فين

و فعلا عملوا كده ..و بعد يومين شغل ..و بهدلوا العربيه ..و فكوها حتت ..قالوا اليب من pcm و ان قطعة الغيار غير متوفره ..و حا يبعتوا طلب للمصنع ..و انتظرت يومين ..و بعدها صديق نصحني اروح اشتكي في مصنع نيسان في المنطقه الصناعيه 6 اكتوبر

و فعلا روحت خدمة العملاء و كتبت شكوي ..و قالوة قطعة الغيارpcm . موجوده في مخزن العاشر من رمضان .و حا يعملوا اجراءات و يصرفوها لمودرن موتورز لتقوم بالاصلاخ ..

و فعلا وصلت قطعه الغيار بعد 3 ايام

و من ساعتها وهما بيحاولو يدخلوا الاكواد ..و كلها محاولات فاشله ..و شويه يقولوا انهم طالبين مهندس من المصنع علشان يساعدهم في وضع الاكواد

شىء صعب جداا و مؤلم انك تدفع 400000 ج في سياره يتلف جزء هام جداا و باهظ الثمن و غير متوفر في مسافة 3000 كم تشغيل . و يقولك اصل حاجات الكهرباء مش مضمونه وممكن تتلف في اي لحظه ..مش عارف ده كلام يتقال ..هو انا كنت مشتري لمبة كهرباء صيني الصنع حا تتحرق بعد شهر ..دي سياره المفروض محترمه و غاليه .

السياره بقالها 16يوم واقفه في التوكيل ..و حتي الان لم يتم اصلاحها ..غير الحاله اللي وصلت اليها من البهدله و الاتساخ من اعمال الاصلاح

انا انصح كل واحد انه لا يشتري هذه السياره ….. و سوف اتقدم بشكوي الي جهاز حماية المستهلك

و كذلك شكوي الي شركه نيسان في اليابان ..و ان لم يتم الاصلاح و الاعتذار المناسب …سوف اعلن في كافة وسائل الاعلام عن سوء صناعة هذه السياره و عدم كفاءة مراكز الخدمه .. و سؤ معاملة خدمة عملاء نيسان …و عدم اهتمام الشركه بشكاوي العملاء .

انا توجهت للمصنع مره اخري اليوم بعد 16 يوم من الاهمال ..و لفيت و انتظرت ساعه لغاية ما حد تعطف و تكرم و قابيلني ..و بيسالني ايه الاخبار مش انت جيت الاسبوع اللي فات و انا صرفت قطعة الغيار للتوكيل تاني يوم . قولتله وصلت بعد 3 ايام مش تاني يوم .. و من ساعتها مش عارفين يصلحوا العربيه و بيقولوا مش بتقبل الكود … الرد انا بتاع قطع غيار و عملت اللي عليا ..و لما انفعلت ..قال ها اشوف حد تاني يكلمك من متابعة العملاء ..و انتظرت نص ساعه تانيه لحد ما وصل

و سال نفس الأسئلة و وعد انهم ها يحاولوا يتابعوا الموقف ..لانهم ما عندهمش خدمة عملاء او جهاز لمتابعة شكاوي العملاء .

انا ساضطر للجوء لجهاز حماية المستهلك ..و اعمل محضر شرطه بالواقعه …و للأسف ارسلت شكوي لنيسان اليابان وانجلترا

و و صل الرد تاني يوم ..انهم غير مسؤلين عن السيارات اللي بتتباع في مصر ..و انهم بيقدموا خدمة ما بعد البيع في بلادهم و اني يجب ان اتوجه بالشكوي لمقدم الخدمه في مصر نيسان ايجيبت …واضح ان الشركه الام عارفه ان مصر ما فيش فيها حقوق للمستهلك ..و بتوفر مجهودها.

الأستاذ إيهاب صلاح قال … العربيه خلصت الحمد لله … التوكيل بقا فى الهايكستب وانا عندهم امبارح قال حانغير لك طقم الدبرياج ب 8 الاف جنيه!!ا اه والله زى ما بقول لكم كده … حتى مافكروش يشوفوا المشكله فين … الاغرب  …انهم قالولى العربيه حاتفضل معانا يوم … واما سألت ليه؟  قالوا اصله بياخد وقت!!  وبضغط منى المهندس قال اصل حانشترى طقم الدبرياج من بره التوكيل

توكيل بيشترى من بره من محلات قطع الغيار !!شوفتوا المصيبه   عموما .. روحت مركز تاني .. غيرت فيه زيت وفلتر زيت وفلتر هوا وتنضيف بوابه وتغيير بوجيهات وسروجى اشتغل فى الفرش وتربيط عفشه … وناس اسعارها كويسه جدا ومحترمين جدا ,,,

مشكله العربيه اتحلت بدون تغيير دبرياج يا توكيل العار.

الأستاذ عمرو محمد بيقول … توكيل غبور مش بيحترم العميل رحت سلمت عربيتي يوم الاحد الماضي لاصلاح عيوب بها وذلك بناء علي شكوي مقدمه لجهاز حماية المستهلك لولا ذلك مكنوش اتحركوا وصلحوا عيوب العربيه ثانيا المفروض اني هستلم العربيه بعد 3ايام بناء علي كلامهم وقالولي هنتابع معاك كل حاجه ف التليفون محدش بيتابع ولازم انا اللي اتصل واتابع بنفسي برغم ان دي مهمتهم متابعه العميل ثالثا بقي ان كل يوم يقولولي هتستلم بكره واخد اجازه من شغلي وافضل اتصل بيهم لحد ما يحنوا عليا ويردوا ويقولي لا حضرتك مش هتستلم انهارده هتستلم بكره وبكره يجي ويتقالي نفس الكلام والعربيه دلوقتي بقالها 9 ايام معرفش عنها حاجه ولما عملت شكوي محدش رد ابعتلهم علي صفحتهم الادمن المحترم يشوف الكلام وميردش

تعليقات فيسبوك

أكتب تعليقك