إسأل مجرب ولا تسأل وكيل … سيارة الأحلام تتحول الى كوابيس

الحكاية مؤلمة من البداية …. سيارات الأحلام تتحول الي كوابيس تطارد أصحابها في منامهم ويتحول النهار الي ليل مظلم دامس وتختفي البسمة من علي الوجوة وتنزلق قدم صاحبها الي سراديب خيبة الأمل وفقدان الثقة في القريب والغريب فهو يسمع كلام في كلام أما الفعل والتفعيل مالوش مثيل كلة بيلف علي كلة والمصلحة فوق الجميع والمصالح تتصالح … ومن غير كلام كتير تعالوا نشوف ؟؟

الأستاذة أميرة رأفت تروي قصتها  وكلها ألم وحزن عميق انا اشتريت عربية كيا كارنز من الوكيل EIT موديل 2016

العربيه عاملة 20000 و بعمل الصيانه في التوكيل …. اثناء سير السيارة علي طريق سريع الجنط اتكسر نصفيين و خرج عن العربية مما تسبب في حادث و تحطم السيارة كليا ,,, طبعا الوساءد الهواءية مفتحتش مش مشكلة …. الناس ال كانوا في العربيه كلهم في المستشفي مش مشكله …. كلمت التوكيل و حكيت الحكايه قالولي عادي ان الجنط يتكسر !!! انت اكيد لبست مطب  … محصلش بس مش مشكله مطب دا ايه ال يكسر جنط عربية جديدة و المفروض خاضعة للمواصفات …. المهم التوكيل قال ملكش حاجه عندي …. روحت تقدمت بشكوي في جهاز حماية المستهلك …. حديدولي ميعاد بكليه الهندسه لفحص السيارة …. بحضور مهندسي الشركه و بفحص السيارة بكمبيوتر الشركة اكدوا ان العربية لم تسجل اي اعطال قبل الحادث و الكاوتش سليم و الجنوط كلها حتي المكسور بقفلة مصنعهم

و الزم جهاز حمايه المستهلك بالتعاون مع كليه الهندسة .. انهم يحللو الجنط المتسبب في الحادث لمعرفه سبب كسرة … و الموضوع دة بقاله 4 شهور و الشركة مش عاوزة تحلل الجنط … شركة كيا اهم حاجه عندها انهم يبيعوا و يخدوا منك فلوس كتيير كل ما تروحلهم انما يحلولك مشكلتك لا  … إنما  الجنط بيتكسر عادي و ال اير باج مبيفتحش بردة عادي

الأستاذ عمرو محمد بيقول ايوة بالضبط كدة..فعلا بقت حاجة واضحة ان العربية الي بتيجي لمصر او معمولة لمصر او بمواصفات مصرية بتبقى اقل بكتيييييييير من اي عربية مصنعة بمواصفات اي دولة تانية…زي ما قلتلك كدة في موضوع السبورتاج..في فرق واضح لما تركب العربية الي بمواصفات خليجية و لما تركب الي بمواصفات مصرية..يلا ربنا يهدي بقى الي رخص قيمتنا قدام العالم و خلاهم يحتقرونا بالمنظر ده!!

الأستاذ ممدوح جمعة قال فضيحة وياريت الناس تعرف المعلومات دى قبل قرار الشراء واقول   ربنا يعوض عليك وينتقم من التوكيل البلاعة اللى بتاخد بس وما تديش والغريبة ان فيه عربيات ماشاء اللى بتخبط فى مطبات ورامبات وارصفة وبتستحمل وما بتخيبش خيبة الكيا الفافى دى

الأستاذة أمنية شاكر قالت توكيل كيا من اسوا التوكيلات فعلا .. انا بعد مااستلمت العربية بيكانتو من التوكيل فرع روكسي وكانت صيانة دورية تغيير زيت وفلاتر سمعت صوت غريب فى العربية واضطريت انى اعمل عمرة موتور كاملة على 50.000 كم … وكمان اسعارهم غالية على الفاضى

تعليقات فيسبوك

أكتب تعليقك